နိမိတ်နဲ့ပတ်သက်ပြီး ဘာတွေမြင်မိပါသေးလဲ?

တချို့သောဗေဒင်ဆရာတွေဟာ လျှပ်တစ်ပြက်တွေ့ရမြင်ရတတ်တဲ့ မြင်ကွင်းတွေအပေါ်မှာ နိမိတ်ကောက်ပြီး ဟောကိန်းထုတ်လေ့ရှိကြပါတယ်။ ဒီဟောကိန်းတွေဟာ မှန်ကန်မှုများတဲ့အတွက်ကြောင့် ဗဟုသုတဖြစ်စေဖို့ တင်ပြပေးလိုက်ပါတယ်။ ​

(၁) ကိုယ့်ဆီ စကားလာမေးမြန်းသူဟာ ကိုယ့်ခေါင်းကိုပုတ်နေတာ တွေ့မြင်ရပါက အမှုအခင်း၊ အရှုပ်အရှင်းတို့နဲ့ ရင်ဆိုင်ရတော့မယ်ဆိုတဲ့ နိမိတ်လက္ခဏာဖြစ်ပါတယ်။ ​

(၂) ချမ်းသာသောသူ၊ ဂုဏ်ရှိသောသူကို တွေ့မြင်ပါက မိန်းမနဲ့ ပတ်သက်သောနိမိတ်ဖြစ်ပါတယ်။ ​

(၃) ထိတ်လန့်ကြောက်ရွံ့စရာကို မြင်မိပါက သူခိုးခိုးခံရတော့မယ့် နိမိတ်ဖြစ်ပါတယ်။ ​

(၄) ဗြုန်းခနဲ လေပြင်းမုန်တိုင်းများ တိုက်ခတ်လာတာကို မြင်ရပါက အိမ်ရှိလူမမာနဲ့ ပတ်သက်သော နိမိတ်ဖြစ်ပါတယ်။ ​

(၅) လူတစ်ဦး ချိုသောသစ်သီးကိုင်ထားတာကို တွေ့မြင်ပါက ရွှေဝင်တော့မယ့် နိမိတ်ဖြစ်ပါတယ်။ ​

(၆) သလိပ်များ ထွေးထုတ်တာကို မြင်ရရင် အလိမ်ခံရတော့မယ်ဆိုတဲ့ နိမိတ်ဖြစ်ပါတယ်။ ​

(၇) ညောင်ပိန္နဲရွက်ကို ကိုင်ထားတာကို တွေ့မြင်ရပါက စီးပွားဥစ္စာတိုးတက်တော့မယ်ဆိုတဲ့ နိမိတ်ဖြစ်ပါတယ်။ ​

(၈) အရိုးစုကို တွေ့မြင်ပါက လူမမာဒုက္ခများမယ်ဆိုတဲ့ နိမိတ်ဖြစ်ပါတယ်။ ​

(၉) ပေါင်လှုပ်နေတာကိုတွေ့မြင်ပါက အပြင်ရောက်ရှိနေတဲ့သူနဲ့ ပတ်သက်တဲ့ နိမိတ်ဖြစ်ပါတယ်။ ​

(၁၀) ဆင်ရဲ့ မစင်တုံးကို တွေ့မြင်မိပါက ငွေကုန်ကြေးကျများတော့မယ်လို့ နိမိတ်ကောက်ပါတယ်။ ​

(၁၁) ရူးသွပ်နေသူကို မြင်တွေ့မိပါက အပေါင်းအသင်းနဲ့စပ်ဆိုင်သော နိမိတ်ဖြစ်ပါတယ်။ ​